HST Social Science: Online Study Materials-Political Science-5

• ഒരു രാജ്യത്തെ വിവിധ തലങ്ങളിലുള്ള ഭരണകൂടങ്ങൾ തമ്മിൽ അധികാരം പങ്കിടുന്നതിനെ വിശേഷിപ്പിക്കുന്ന സംജ്ഞയാണ് അധികാരവിഭജനം (ഫെഡറലിസം).
• ഇത് ഏറ്റവും പ്രകടമായി കാണാനാവുന്നത് ഫെഡറൽ രാഷ്ട്രങ്ങളിലാണ്.  
• ഫെഡറൽ ഗവൺമെന്റ് രൂപവത്കരിക്കപ്പെടുന്നതിന്റെ പ്രധാന ലക്ഷ്യങ്ങളിൽപെട്ടതാണ്, കേന്ദ്രഗവൺമെന്റും സ്റ്റേറ്റ്ഗവൺമെന്റുകളും തമ്മിലുള്ള അധികാര വിഭജനം.
• രാഷ്ട്രം ഒന്ന്, ഗവൺമെന്റുകൾ ധാരാളം എന്ന ആശയത്തിൽ അധിഷ്ഠിതമാണ് ഫെഡറലിസം.
• അധികാര വിഭജനത്തിന്റെ അടിസ്ഥാനത്തിൽ ഗവൺമെന്റുകളെ രണ്ടായി തരംതിരിക്കാറുണ്ട്.
• ഏകായത്ത (Unitary) ഗവൺമെന്റും, ഫെഡറൽ (Federal) ഗവൺമെന്റും.
• ഏകായത്ത രീതിയിൽ രാജ്യഭരണം നിർവ്വഹിക്കുന്നത് കേന്ദ്രഗവൺമെന്റാണ്. എല്ലാ അധികാരങ്ങളും കേന്ദ്രീകരിച്ചിരിക്കുന്നത് കേന്ദ്ര ഗവൺമെന്റിലായിരിക്കും.
• കേന്ദ്ര ഗവൺമെന്റിനും സംസ്ഥാന ഗവൺമെന്റുകൾക്കുമായി അധികാരം വിഭജിച്ചു നൽകിയിട്ടുള്ള ഭരണസംവിധാനമാണ് ഫെഡറലിസം. സ്വാഭാവികമായും ഫെഡറലിസത്തിൽ രണ്ടുതരം ഗവൺമെന്റുകൾ ഉണ്ടായിരിക്കും: കേന്ദ്രഗവൺമെന്റും പ്രാദേശിക ഗവൺമെന്റുകളും.
• ഈ രണ്ടു ഗവൺമെന്റുകൾക്കും അവർക്കായി വിഭജിച്ചുനൽകിയിട്ടുള്ള വിഷയങ്ങളിൽ നിയമനിർമ്മാണം നടത്താൻ പൂർണ്ണ അധികാരം ഉണ്ടായിരിക്കും

ഫെഡറലിസം പ്രത്യേകതകൾ :

• ഫെഡറലിസത്തിൽ രണ്ടുതരത്തിലുള്ള രാഷ്ട്രീയ ഘടനകളുണ്ട് (Polities)- ഒന്ന് പ്രാദേശികതലത്തിലും, മറ്റൊന്ന് ദേശീയതലത്തിലും. പ്രാദേശിക- ദേശീയതലങ്ങളിലുള്ള ഗവൺമെന്റുകൾക്ക് അവയുടെ സ്വന്തം മേഖലയിൽ പരമാധികാരമുണ്ട്.
• ഫെഡറലിസത്തിൽ ജനങ്ങൾക്കും രണ്ടുതരത്തിലുള്ള സ്വത്വങ്ങളും വിധേയത്വങ്ങളുമുണ്ട്. ഒന്ന് അവരുടെ ദേശത്തോടും, മറ്റൊന്ന് രാഷ്ട്രത്തോടും. ഉദാഹരണത്തിന്, നാം കേരളീയരും ഇന്ത്യക്കാരുമാണ്.
• ഫെഡറലിസത്തിൽ ഓരോ തലത്തിലുള്ള രാഷ്ട്രീയഘടനയ്ക്കും വ്യത്യസ്തമായ അധികാരങ്ങളും ഉത്തരവാദിത്വവുമുണ്ട്. കൂടാതെ ഒരു പ്രത്യേക ഗവൺമെൻ്റ് വ്യവസ്ഥയും ഉണ്ടായിരിക്കും. ഉദാഹരണത്തിന്, ദേശീയതലത്തിൽ കേന്ദ്രഗവൺമെന്റിനും പ്രാദേശികതലത്തിൽ സംസ്ഥാന ഗവൺമെന്റിനും അധികാരങ്ങളും ഉത്തരവാദിത്വങ്ങളും വ്യത്യസ്തമാണ്.
• ഫെഡറലിസം എന്ന ദ്വിഭരണസമ്പ്രദായത്തിൻ്റെ വിശദാംശങ്ങൾ ഒരു ലിഖിതഭരണഘടനയിൽ എഴുതിവെച്ചിട്ടുണ്ടാകും. രണ്ടു ഗവൺമെന്റുകളേയും അധികാരങ്ങളുടെ ഉറവിടം പരമോന്നതമായി കരുതപ്പെടുന്ന ഈ ഭരണഘടനയാണ്. രാഷ്ട്രത്തെ മൊത്തമായി ബാധിക്കുന്ന ചില വിഷയങ്ങൾ (ഉദാ: പ്രതിരോധം, കറൻസി) കേന്ദ്രഗവൺമെന്റിന്റെ അഥവാ യൂണിയൻ ഗവൺമെൻ്റിൻ്റെ ഉത്തരവാദിത്വത്തിലുള്ളവയാണ്. സംസ്ഥാന പ്രാദേശികവിഷയങ്ങളുടെ ഉത്തരവാദിത്വം സംസ്ഥാന ഗവൺമെന്റുകൾക്കാണ്.
• കേന്ദ്രവും സംസ്ഥാനവും തമ്മിലുള്ള തർക്കങ്ങൾ പരിഹരിക്കുന്നതിനും ഏറ്റുമുട്ടലുകൾ തടയുന്നതിനും ഒരു സ്വതന്ത്ര ജുഡീഷ്യറി ഉണ്ടായിരിക്കും. അധികാരവിഭജനത്തെ ചൊല്ലി കേന്ദ്രഗവൺമെന്റും സംസ്ഥാന പ്രാദേശിക ഗവണ്മെന്റുകളും തമ്മിലുണ്ടാകുന്ന തർക്കങ്ങൾ പരിഹരിയ്ക്കാനുള്ള അധികാരം ജുഡിഷ്യറിയ്ക്ക് ഉണ്ട്.

• ► ഇന്ത്യൻ ഭരണഘടന ഒരു ഫെഡറൽ ഭരണഘടനയാണ്.
• ► എന്നാൽ ഇന്ത്യൻ ഭരണഘടനയിൽ ഒരിടത്തും ഫെഡറേഷൻ എന്ന പദം പരാമർശിക്കപ്പെട്ടിട്ടില്ല ഇന്ത്യ സംസ്ഥാനങ്ങളുടെ ഒരു യൂണിയൻ എന്ന നിലയിലാണ് ഭരണഘടനയുടെ ഒന്നാം അനുഛേദത്തിൽ പറയുന്നത്.
• ► കേന്ദ്രവും സംസ്ഥാനങ്ങളും തമ്മിലുള്ള ബന്ധങ്ങൾ സഹകരണത്തെ അടിസ്ഥാനമാക്കിയുള്ളത് ആയിരിക്കണം എന്ന ആശയം ആണ് ഇന്ത്യൻ ഭരണഘടന അംഗീകരിച്ച വ്യവസ്ഥയുടെ ഏറ്റവും പ്രധാന സവിശേഷത.
• ► വൈവിധ്യങ്ങൾ അംഗീകരിക്കുന്നതോടൊപ്പം തന്നെ ഭരണഘടന ഐക്യത്തിനും പ്രാധാന്യം നൽകി..

ഇന്ത്യൻ ഫെഡറലിസത്തിൻ്റെ സവിശേഷതകൾ :

1. ►ദ്വി ഭരണസംവിധാനം
2. ►അധികാര വിഭജനം
3. ►ഭരണഘടനാ മേധാവിത്വം
4. ►സ്വതന്ത്ര ജുഡീഷ്യറി

ഇന്ത്യൻ ഭരണഘടന രൂപീകരിച്ചിട്ടുള്ള ഫെഡറൽ വ്യവസ്ഥയിൽ രണ്ടുതരം ഗവൺമെന്റുകളുണ്ട് :
.

• ► ഒന്ന് രാഷ്ട്രത്തിന് മൊത്തത്തിലായുള്ള ഗവൺമെൻ്റാണ്. ഇതിനെ കേന്ദ്രഗവൺമെൻ്റ് അഥവാ യൂണിയൻ ഗവൺമെൻ്റ് എന്നുവിളിക്കുന്നു.
• ► രണ്ടാമത്തേത് സംസ്ഥാന ഗവൺമെന്റുകളാണ്. രണ്ടു ഗവൺമെന്റുകൾക്കും ഭരണ ഘടനാപരമായ പദവിയും വ്യക്തമായി നിർവ്വചിച്ചിട്ടുള്ള പ്രവർത്തനമേഖലയുമുണ്ട്.

ഫെഡറൽ വ്യവസ്ഥയിൽ സംസ്ഥാന ഗവൺമെന്റുകൾക്കിടയിൽ വ്യക്തമായ അധികാര വിഭജനം ഉണ്ടായിരിക്കണം :

• ► ഇന്ത്യൻ ഭരണഘടനയിൽ അധികാരവിഭജനം വ്യക്തമായി പ്രതിപാദിക്കപ്പെട്ടിട്ടുണ്ട്. കേന്ദ്രപട്ടിക, സംസ്ഥാനപട്ടിക, ഉഭയപട്ടിക എന്നിങ്ങനെ മൂന്നു പട്ടികകൾ വഴിയാണ് കേന്ദ്ര – സംസ്ഥാന അധികാരവിഭജനം നടത്തിയിട്ടുള്ളത്
  .

ഒരു ഫെഡറൽ സമ്പദായത്തിൽ എപ്പോഴും ഭരണ ഘടനയ്ക്കാണ് മേധാവിത്വം :

• ► ഇന്ത്യയിലെ ഫെഡറൽ ഭരണഘടന കേന്ദ്രത്തിന്റേയും സംസ്ഥാനത്തിന്റേയും അധികാരങ്ങൾ തമ്മിൽ ഒരു സന്തുലിതാവസ്ഥ നില നിർത്തുന്നു. ഭരണഘടന ഇരുവിഭാഗങ്ങൾക്കും പൂർണ്ണമായും ബാധകമാണ്. അവയുടെ എല്ലാ അധികാരങ്ങളുടേയും ഉറവിടം ഭരണഘടനയാണ്.

ഇന്ത്യൻ ഭരണഘടനയുടെ മറ്റൊരു ഫെഡറൽ സ്വഭാവമാണ് ഒരു സ്വതന്ത്ര ജുഡീഷ്യറിയുടെ സ്ഥാപനം :

• ► കേന്ദ്രങ്ങളും സംസ്ഥാനങ്ങളും തമ്മിൽ തർക്കങ്ങളുണ്ടായാൽ തീർപ്പ് കൽപിക്കുന്നത് ജുഡീഷ്യറിയാണ്. ഭരണഘടനാപരമായ വ്യവസ്ഥകളെ അടിസ്ഥാനമാക്കിയാണ് ജുഡീഷ്യറി തർക്കങ്ങളിൽ തീരുമാനങ്ങളെടുക്കുന്നത്. സുപ്രീം കോടതിയെയാണ് സ്വതന്ത്ര കോടതിയായി അംഗീകരിക്കുന്നത്.

അധികാര വിഭജനം (Division of Powers)

• ► ഇന്ത്യൻ ഭരണഘടന ഭരണാധികാരങ്ങളെ കേന്ദ്രത്തിനും സംസ്ഥാനങ്ങൾക്കുമായി വിഭജിച്ചു നൽകുന്നു.
• ► കേന്ദ്രത്തിന്റേയും സംസ്ഥാന ഗവൺമെന്റുകളുടേയും അധികാരപരിധിയിൽ വരുന്ന വിഷയങ്ങൾ ഭരണഘടന വ്യക്തമായി വേർത്തിരിക്കുന്നുണ്ട്. മുൻപു സൂചിപ്പിച്ചതുപോലെ യൂണിയൻ ലിസ്റ്റ്, സംസ്ഥാന ലിസ്റ്റ്, കൺകറന്റ് ലിസ്റ്റ് എന്നീ മൂന്ന് പട്ടികകൾ വഴിയാണ് ഈ അധികാരവിഭജനം നടത്തിയിട്ടുള്ളത്.
• ► ഈ മൂന്നു ലിസ്റ്റുകളേയും ഭരണഘടനയുടെ ഏഴാം പട്ടികയിലാണ് ഉൾപ്പെടുത്തിയിട്ടുള്ളത്.

യൂണിയൻ ലിസ്റ്റ് (Union List):

• ► ഈ മൂന്നെണ്ണത്തിലും വച്ച് ഏറ്റവും ദൈർഘ്യമേറിയത് യൂണിയൻ ലിസ്റ്റാണ്. അതിൽ 98 ഇനങ്ങളുണ്ട്. യൂണിയൻ ലിസ്റ്റിലുള്ള വിഷയങ്ങളിൽ നിയമനിർമ്മാണം നടത്തുന്നതിനുള്ള അധികാരം കേന്ദ്രഗവൺമെന്റിനു മാത്രമേയുള്ളു.
• ► പ്രതിരോധം, വിദേശകാര്യം, ബാങ്കിംഗ്, വാർത്താവിനിമയം, ഇൻഷ്വറൻസ്, കറൻസി, ആദായനികുതി തുടങ്ങിയ പ്രധാന വിഷയങ്ങൾ കേന്ദ്രവിഷയങ്ങളാണ്.

സംസ്ഥാന ലിസ്റ്റ് (State List):

• ► സംസ്ഥാന ലിസ്റ്റിൽ 59 ഇനങ്ങൾ നിലവിൽ ഉണ്ട്. ഈ വിഷയങ്ങളിൽ നിർമ്മാണം നടത്തുന്നതിനുള്ള അധികാരം സംസ്ഥാന നിയമസഭയ്ക്കണ്. ക്രമസമാധാനം പോലീസ് വാണിജ്യം കൃഷി മദ്യനിരോധനം തുടങ്ങിയവ സംസ്ഥാന വിഷയങ്ങളാണ്.
  .

കൺകറന്റ് ലിസ്റ്റ് (Concurrent List):

• ► കൺകറൻ്റ് ലിസ്റ്റിൽ 52 ഇനങ്ങളാണുള്ളത്. ഈ ലിസ്റ്റിൽപ്പെട്ട വിഷയങ്ങളിൽ നിയമനിർമ്മാണം നടത്തുന്നതിന് കേന്ദ്രഗവൺമെന്റിനും സംസ്ഥാന ഗവൺമെന്റിനും അധികാരമുണ്ട്. – ഇരുകൂട്ടർക്കും പൊതുതാല്പര്യമുള്ള വിഷയങ്ങളായ വിദ്യാഭ്യാസം, വനം, തൊഴിൽ സംഘടനകൾ, വിവാഹം, ദത്തെടുക്കൽ തുടങ്ങിയവ കൺകറന്റ് ലിസ്റ്റിൽപ്പെടുന്നു.
  .

അവശിഷ്ട അധികാരങ്ങൾ മേൽപ്പറഞ്ഞ മൂന്നു ലിസ്റ്റുകളിലും പെടാത്ത എല്ലാ വിഷയങ്ങളും അവശിഷ്ടാധികാരം അതിലുൾപ്പെടുന്നു. ഉദാഹരണം സൈബർ നിയമങ്ങൾ

ഈ വിഷയങ്ങളിൽ നിയമനിർമ്മാണം നടത്താനുള്ള അധികാരം കേന്ദ്ര നിയമ നിർമ്മാണസഭ മാത്രമേ മാത്രമേ ഉള്ളൂ

ശക്തമായ ഒരു കേന്ദ്ര ഗവൺമെൻ്റോട് കൂടിയ ഒരു ഫെഡറൽ വ്യവസ്ഥയ്ക്ക് രൂപം നൽകാനുള്ള കാരണങ്ങൾ :

1. രാജ്യത്തിന്റെ വൈവിധ്യങ്ങൾ ഉൾക്കൊള്ളുന്നതിന്
2. രാജ്യത്തെ ഏകീകരിക്കുന്നതിനും ശിഥിലീകരണം തടയുന്നതിനും
3. സാമൂഹിക രാഷ്ട്രീയ മാറ്റങ്ങൾ കൊണ്ടുവരുന്നതിന്
4. സാമൂഹിക സാമ്പത്തിക പ്രശ്നങ്ങൾ കൈകാര്യം ചെയ്യുന്നതിന്
5. രാജ്യത്തിന്റെ ഐക്യവും വികസനംവും ഉറപ്പു വരുത്തുന്നുന്നതിന്

സർക്കാരിയ കമ്മീഷൻ

• ► കേന്ദ്ര-സംസ്ഥാന ബന്ധങ്ങളെ കുറിച്ച് പഠിച്ച് റിപ്പോർട്ട് സമർപ്പിക്കുന്നതിന് നിയമിക്കപ്പെട്ട കമ്മീഷൻ ആണ് സർക്കാരിയ കമ്മീഷൻ
• ► 1983 ൽ നിയമിക്കപ്പെട്ട ഈ കമ്മീഷൻ ചെയർമാൻ സുപ്രീംകോടതിയിൽനിന്ന് വിരമിച്ച ജസ്റ്റിസ് ആർ.എസ്. സർക്കാരിയ ആയിരുന്നു
• ► 1987 ഒക്ടോബറിൽ കമ്മീഷൻ റിപ്പോർട്ട് സമർപ്പിച്ചു
• ► കേന്ദ്ര-സംസ്ഥാന ബന്ധങ്ങളിൽ ഉറച്ച ചുവടുവയ്പ്പുകളും സംഘർഷങ്ങളും ഒഴിവാക്കാൻ ഭരണഘടനാപരവും ശാസ്ത്രീയവുമായ മാറ്റങ്ങൾ ആവശ്യമാണെന്ന് കമ്മീഷൻ കണ്ടെത്തി