HST Social Science: Online Study Materials-Political Science

• ✸ പൊളിറ്റിക്സ് എന്ന വാക്ക് ആവിർഭവിച്ചത് ഗ്രീക്ക് പദമായ “പൊളിസി’ ൽ നിന്നാണ്.
• ✸ നഗര രാഷ്ട്രമെന്നാണ് പൊളിസ് എന്ന വാക്കിന്റെയർത്ഥം.
• ✸ നഗരരാഷ്ട്രങ്ങളിലെ ഭരണക്രമത്ത സംബന്ധിച്ചത് എന്നയർത്ഥത്തിൽ ” പൊളിറ്റിക്സ് ” എന്ന പദമുണ്ടായി.
• ✸ നഗര രാഷ്ട്രങ്ങളെ കൃത്യമായി അപ്രഗഥന വിധേയമാക്കിയ രണ്ടു ചിന്തകരാണ് പ്ലേറ്റോയും അരിസ്റ്റോട്ടിലും.
• ✸ അരിസ്റ്റോട്ടിൽ രാഷ്ട്രീയമീമാംസയുടെ പിതാവായി (Father of Political Science) അറിയപ്പെടുന്നു.
• ✸ പ്ലേറ്റോയുടെ റിപ്പബ്ലിക് എന്ന പുസ്തകം ക്ലാസിക്കൽ രാഷ്ട്രീയ തത്വചിന്തയുടെ ഏറ്റവും നല്ല മാതൃകയാണ്.
• ✸ തത്വചിന്തകൻ രാജാവാകണമെന്ന് പ്ലേറ്റോ അഭിപ്രായപ്പെടുന്നുണ്ട്.
• ✸ തത്വചിന്തകന് അറിവുണ്ടാകയാൽ ഉചിതമായ രീതിയിൽ ഭരണം നിർവ്വഹിക്കുവാൻ കഴിയുമെന്ന് പ്ലേറ്റോ വിശ്വസിച്ചു.
• ✸ തത്വചിന്തകരെ അദ്ദേഹം “ ഗാർഡിയൻസ് “എന്ന് വിളിച്ചു.
• ✸ രാഷ്ട്രഭരണം നീതിയിലധിഷ്ഠിതമായി വിവേകപൂർവ്വം നടപ്പിലാക്കുവാൻ തത്വചിന്തകനായ രാജാവിന് മാത്രമേ കഴിയൂ.
• ✸ “റിപ്പബ്ലിക് ” എന്ന കൃതി രാഷ്ട്രീയ പ്രക്രിയയെപ്പറ്റി ആദർശാധിഷ്ഠിതമായി രചിക്കപ്പെട്ട ആദ്യത്തെ ശാസ്ത്രീയ ഗ്രന്ഥമാണ്.

പ്രധാനപ്പെട്ട നിർവചനങ്ങൾ

ഗാരിസ് –

“രാഷ്ട്രത്തിന്റെ ആവിർഭാവം, വികാസം, ലക്ഷ്യം രാഷ്ട്രീയ പ്രശ്നങ്ങൾ മുതലായവയെപ്പറ്റി പ്രതിപാദിക്കുന്നതാണ് രാഷ്ട്രമീമാംസ”.

ലോർഡ് ആക്ടൻ –

“രാഷ്ട്രത്തെപ്പറ്റിയും രാഷ്ട്രവികസനത്തിന് അത്യന്താപേക്ഷിതമായ ഘടകങ്ങളെപ്പറ്റിയുമുള്ള പഠനമാണ് രാഷ്ട്രമീമാംസ”

ഗാർനർ –

“രാഷ്ട്രമീമാംസ രാഷ്ട്രത്തിൽ ആരംഭിച്ച് രാഷ്ട്രത്തിൽ അവസാനിക്കുന്നു”

ഹാരോൾഡ് ലാസ് വെൽ –

“അധികാരശക്തിയുടെ രൂപപ്പെടുത്തൽ, പങ്കുവയ്ക്കൽ എന്നിവയെപ്പറ്റി പ്രയോഗനിഷ്ഠതയിലൂന്നി പഠിക്കുന്ന ഒരു വിഷയവും അതേ സമയം ശാക്തിക വീക്ഷണങ്ങളിലൂന്നിയ ഒരു പ്രവർത്തനവുമാണ് രാഷ്ട്രമീമാംസ”

ആർ ജി ഗെറ്റൽ –

“ഒരു രാഷ്ട്രത്തിലെ ഭരണകൂടത്തിന്റെ ഭൂതകാലത്തെയും വർത്തമാനകാലത്തെയും ഭാവിയിലെയും രാഷ്ട്രീയ വ്യവഹാരങ്ങളുടെയും രാഷ്ട്രീയ സ്ഥാപനങ്ങളുടെയും രാഷ്ട്രീയ സിദ്ധാന്തങ്ങളുടെയും പഠനമാണ് പൊളിറ്റിക്കൽ സയൻസ്”

സോൾ ജാനറ്റ് –

“രാഷ്ട്രീയത്തിന്റെയും ഗവൺമെന്റിന്റെയും അടിസ്ഥാനത്തെപ്പറ്റിയും തത്വങ്ങളെപ്പറ്റിയും പ്രതിപാദിക്കുന്ന സാമൂഹ്യശാസ്ത്രശാഖയാണ് രാഷ്ട്രമീമാംസ”

ബ്ലണ്ട്ഷിൽ –

“രാഷ്ട്രത്തെപ്പറ്റി പ്രതിപാദിക്കുന്ന രാഷ്ട്രത്തിന്റെ ആത്യന്തികമായ സ്വഭാവവും വിവിധ രൂപങ്ങളും തലങ്ങളും വികാസവും സമഗ്രമായി മനസ്സിലാക്കുന്നതിന് ശ്രമിക്കുന്ന ഒരു ശാസ്ത്രമാണ് രാഷ്ട്രമീമാംസ”

ഡേവിഡ് ഈസ്റ്റേൺ –

“മൂല്യങ്ങളുടെ ആധികാരിക വിഹിതമാണ് പൊളിറ്റിക്സ് “

ലീകോക്ക് –

“ഭരണകൂടവുമായി ബന്ധപ്പെട്ടിരിക്കുന്നതാണ് പൊളിറ്റിക്കൽ സയൻസ്”

രാഷ്ട്രമീമാംസാ പഠനത്തിലെ പ്രധാന സമീപനങ്ങൾ (Approaches to the Study of Political Science)

വിവിധ വീക്ഷണങ്ങളിലൂടെ രാഷ്ട്രമീമാംസയെ വിശകലനം ചെയ്യാവുന്നതാണ്. രാഷ്ട്രമീമാംസയുടെ പഠനം ആവിർഭവിക്കുന്നത് പുരാതന ഗ്രീസിൽ നിന്നാണ്. ഗ്രീക്കു ചിന്തകനായ അരിസ്റ്റോട്ടിൽ രാഷ്ട്രമീമാംസയുടെ പിതാവായി അറിയപ്പെടുന്നു. രാഷ്ട്രമീമാംസയിൽ വൈവിധ്യമാർന്ന സിദ്ധാന്ത രൂപീകരണങ്ങൾ വിവിധ കാലഘട്ടങ്ങളിലൂടെ നടന്നിട്ടുണ്ട്. ഇരുപതാം നൂറ്റാണ്ടിന്റെ ആദ്യ ദശകങ്ങൾ വരെ രാഷ്ട്രമീമാംസയിൽ നോർമേറ്റീവ് പഠനരീതിയാണ് പിന്തുടർന്നത്. എന്നാൽ യുദ്ധാനന്തര കാലത്ത് പെരുമാറ്റ സിദ്ധാന്തം അഥവാ ബിഹേവിയറലിസം ഉയർന്നു വന്നു. ഇക്കാലത്ത് മനുഷ്യന്റെ പെരുമാറ്റത്തെ അടിസ്ഥാനമാക്കി രാഷ്ട്രീയ പ്രതിഭാസങ്ങൾ വിശദീകരിക്കുന്നതിന് പ്രാധാന്യം നൽകപ്പെട്ടു.

ഇങ്ങനെ ആദ്യകാല പഠനസമീപനങ്ങൾ ഒരു പരിവർത്തനത്തിന് വിധേയമാക്കപ്പെട്ടു. തത്ഫലമായി രാഷ്ട്രമീമാംസാ പഠനവുമായി
ബന്ധപ്പെട്ട സമീപനങ്ങളെ രണ്ടായി വർഗ്ഗീകരിക്കാം.
(1) പരമ്പരാഗത സമീപനങ്ങൾ (Traditional Approaches)
(2) ആധുനിക സമീപനങ്ങൾ (Modern Approaches)

പരമ്പരാഗത സമീപനങ്ങൾ (Traditional Approaches)

• ✸ പ്ലേറ്റോയുടെ കാലഘട്ടം മുതൽ രണ്ടാം ലോകമഹായുദ്ധം വരെ സ്വാധീനം ചെലുത്തിയിരുന്ന സമീപനങ്ങളാണിവ.
• ✸ രാഷ്ട്രത്തിനും ഗവൺമെന്റിനും പ്രാധാന്യം നൽകുന്ന പരമ്പരാഗത പഠന രീതികൾക്കാണ് ഈ സമീപനങ്ങൾ പ്രാധാന്യം നൽകുന്നത്.
• ✸ രാഷ്ട്രത്തിന്റെ സംഘാടനവും രൂപീകരണവും രാഷ്ട്രപ്രകിയകളുമാണ് ഇവിടെ ഊന്നൽ നൽകപ്പെടുന്നത്.
• ✸ രാഷ്ട്രീയ സ്ഥാപനങ്ങളും അവയുടെ പ്രവർത്തനങ്ങളുമായി ബന്ധപ്പെട്ട തത്വങ്ങളും ആശയങ്ങളും പരമ്പരാഗത സമീപനത്തിൽ വിശദീകരിക്കപ്പെടുന്നു.
• ✸ ഈ സമീപനങ്ങളെല്ലാം ആദർശനിഷ്ഠകളും ആശയാധിഷ്ഠിതവുമാണ്.”എന്താണ്’ എന്നതിനേക്കാൾ “ എന്തായിരിക്കണം” എന്നതിനാണ് ഈ സമീപനങ്ങൾ പ്രാധാന്യം നൽകുന്നത്.
• ✸ “ഏതാണ്മാതൃകാ രാഷ്ട്രം’, ” ഒരു മാതൃകാ പൗരൻ” എങ്ങനെയായിരിക്കണം തുടങ്ങിയ കാര്യങ്ങൾ ചർച്ച ചെയ്യപ്പെട്ടു.ഗവൺമെന്റ് നിയമങ്ങൾ, നിയന്ത്രണങ്ങൾ തുടങ്ങിയവയുമായി ബന്ധപ്പെട്ട ഔദ്യോഗിക ഘടനകളെയാണ് പാരമ്പര്യ സമീപനത്തിൽ പഠനവിധേയമാക്കിയത്.

പരമ്പരാഗത സമീപനത്തിന്റെ സ്വഭാവങ്ങൾ (Characteristics of Traditional approaches)

• ✸ പരമ്പരാഗത സമീപനങ്ങൾ ആദർശനിഷ്ഠങ്ങളും മൂല്യങ്ങൾക്ക് പ്രാധാന്യം നൽകുന്നവയുമാണ്.
  ✸ വിവിധ രാഷ്ട്രീയ ഘടനകളുടെ പഠനത്തിനാണ് പ്രാധാന്യം നൽകപ്പെട്ടത്.
  ✸ സിദ്ധാന്ത രൂപീകരണം ഗവേഷണം എന്നിവയ്ക്ക് പ്രാധാന്യം നൽകിയില്ല.
  ✸ വസ്തുതകളും മൂല്യങ്ങളും പരസ്പര പൂരകങ്ങളായതിനാൽ രാഷ്ട്രമീ മാംസയിൽ ശാസ്ത്രീയപഠനം സാദ്ധ്യമല്ലായെന്ന് പാരമ്പര്യവാദികൾ വിശ്വസിക്കുന്നു.

പാരമ്പര്യവീക്ഷണത്തിലെ പ്രധാന സമീപനങ്ങൾ (Various forms of Traditional Approaches)

1. തത്വചിന്താപരമായ സമീപനം (Philosophical Approach).
2. ചരിത്രപരമായ സമീപനം (Historical Approach).
3. സ്ഥാപനപരമായ സമീപനം (Institutional Approach).
4. നിയമപരമായ സമീപനം (Legal Approaches)

1. തത്വചിന്താപരമായ സമീപനം (Philosophical Approach):

• ✸ രാഷ്ട്രമീമാംസയുടെ പഠനവുമായി ബന്ധപ്പെട്ട ഏറ്റവും പഴക്കമുള്ള സമീപനമാണ്.
• ✸ ഗ്രീക്ക് ചിന്തകരായ പ്ലേറ്റോയുടെയും അരിസ്റ്റോട്ടിലിന്റെയും കാലം മുതലാണ് തത്വചിന്താപരമായ സമീപനത്തിന് തുടക്കമായത്.
• ✸ ഈ സമീപനത്തിന്റെ ഒരു സുപ്രധാന വക്താവാണ് ലിയോ സ്ട്രോസ് (Leo Strauss).
• ✸ തത്വചിന്താപരമായ രാഷ്ട്രമീമാംസ മാതൃകാരാഷ്ട്ര സംവിധാനമോ മാതൃകാ രാഷ്ട്രകമമോ രൂപപ്പെടുത്തുന്നതുമായി ബന്ധപ്പെട്ടിരിക്കുന്നു.
• ✸ രാഷ്ട്രമീമാംസാ പഠനത്തിന്റെ മേഖലയിൽ മൂല്യങ്ങളുടെ സ്ഥാനം ഒഴിവാക്കാനാവില്ലെന്ന് പാരമ്പര്യ സമീപനം പറയുന്നു. കാരണം രാഷ്ട്രീയ സമൂഹത്തിലെ നന്മതിന്മകളെപ്പറ്റി വിശകലനം ചെയ്യുകയെന്നതാണ് രാഷ്ട്രമീമാംസയുടെ പ്രധാന കർമ്മം.
• ✸ രാഷ്ട്രമീമാംസയുമായി ബന്ധപ്പെട്ട് ആദർശനിഷ്ഠവും ആശയപരവുമായ പഠനമാണ് പരമ്പരാഗത വീക്ഷണം നൽകുന്നത്.
• ✸ രാഷ്ട്രത്തിന്റെ സ്വഭാവം, ധർമ്മങ്ങൾ, പൗരത്വം, അവകാശങ്ങൾ, ചുമതലകൾ മുതലായ കാര്യങ്ങളെപ്പറ്റിയാണ് പാരമ്പര്യ രാഷ്ട്രമീമാംസ ചിന്തിക്കുന്നത്.
• ✸ ഒരു രാഷ്ട്രമീമാംസകന് മാതൃകാ ജീവിതത്തെപ്പറ്റിയും മാതൃകാ സമൂഹത്തെപ്പറ്റിയും കാഷ്ടപ്പാടുകൾ ഉണ്ടായിരിക്കണം.
• ✸ ഒരു നല്ല രാഷ്ട്രീയക്രമം രൂപംകൊള്ളുന്നതിന് രാഷ്ട്രീയ തത്വചിന്ത സഹായിക്കുന്നു.

2. ചരിത്രപരമായ സമീപനം (Historical Approach):

• ✸ ചരിത്രപരമായ സംഭവങ്ങൾ, ചരിത്രപരമായ സാഹചര്യങ്ങൾ തുടങ്ങിയവ രാഷ്ട്രീയ സിദ്ധാന്ത രൂപീകരണത്തെ സഹായിക്കുന്നു.
• ✸ എല്ലാ രാഷ്ട്രീയ പ്രതിഭാസങ്ങളുടെയും യാഥാർത്ഥ്യങ്ങളുടെയും പിന്നിൽ ചരിത്രപരമായ കാരണങ്ങളുണ്ട്.
• ✸ മാക്യവെല്ലി, മോണ്ട്, സബൈൻ, ഡണ്ണിംഗ് തുടങ്ങിയ ചിന്തകർ രാഷ്ട്രമീമാംസയും ചരിത്രവും തമ്മിൽ അഭേദ്യമായ ബന്ധമുണ്ടെന്ന് വിശ്വസിക്കുന്ന ചിന്തകരാണ്.
• ✸ അതിനാൽ രാഷ്ട്രീയ പഠനത്തിന് ചരിത്രപരമായ വീക്ഷണം ആവശ്യമാണ്.
• ✸ ഓരോ രാഷ്ട്രീയ ചിന്തകരുടെയും ചിന്താ പദ്ധതികൾ അവർ ജീവിച്ചിരുന്ന പരിസ്ഥിതികളിൽ രൂപംകൊള്ളുന്നു.
• ✸ ചരിത്രം ഭൂതകാലത്തെപ്പറ്റി സംസാരിക്കുക മാത്രമല്ല, ഭൂതകാലത്തെ വർത്തമാന സംഭവ വികാസങ്ങളുമായി ബന്ധപ്പെടുത്തുകയും ചെയ്യുന്നു.
• ✸ എല്ലാ രാഷ്ട്രീയ സംഭവങ്ങളെയും പ്രതിഭാസങ്ങളെയും ചരിത്രപരമായ വീക്ഷണത്തിലൂടെ വിശകലനം ചെയ്യുന്നതിനാണ് ഇവിടെ പ്രാധാന്യം.
• ✸ ചരിത്രപരമായ അറിവിന്റെ അഭാവത്തിൽ രാഷ്ട്രീയ സാഹചര്യങ്ങൾ വിശകലനം ചെയ്യുന്നത് തെറ്റായ കണ്ടത്തലുകൾ സൃഷ്ടിക്കും.

3. സ്ഥാപനപരമായ സമീപനം (Institutional Approach):

• ✸ രാഷ്ട്രമീമാംസാ വിശകലനത്തിലെ മറ്റൊരു പ്രധാനപ്പെട്ട സമീപനമാണിത്.
• ✸ ഗവൺമെന്റിന്റെയും രാഷ്ട്രീയ പ്രക്രിയയുടെയും പൊതുവായ സ്ഥാപനങ്ങളും ഘടനകളും ഇവിടെ പഠനവിധേയമാക്കപ്പെടുന്നു.
• ✸ രാഷ്ട്രീയ സ്ഥാപനങ്ങളും പൊതുരാഷ്ട്രീയ ഘടനകളും ഈ പഠനരീതിയിൽ പ്രാധാന്യം നേടിയിരിക്കുന്നു.
• ✸ ഔദ്യോഗിക സ്ഥാപനങ്ങളായ നിയമസഭ, കാര്യനിർവ്വഹണ വിഭാഗം, നീതിന്യായ സംവിധാനം, രാഷ്ട്രീയ സംഘടനകൾ, താത്പര്യ ഗ്രൂപ്പുകൾ തുടങ്ങിയവയുടെ അപഗ്രഥനമാണ് രാഷ്ട്രമീമാംസയുടെ ധർമ്മമെന്ന് ഈ സമീപനത്തിന്റെ വക്താക്കൾ പറയുന്നു.
• ✸ പ്രാചീന ചിന്തകർ മാത്രമല്ല, ആധുനിക ചിന്തകരും ഈ സമീപനത്തെപിന്തുടരുന്നുണ്ട്.
• ✸ പ്രാചീന ഗ്രീക്കു ചിന്തകനായ അരിസ്റ്റോട്ടിൽ ഈ വിശകലനം പിന്തുടർന്നിരുന്നു.
• ✸ ആധുനിക രാഷ്ട്രമീമാംസകരായ ജെയിംസ് ബസ്, വാൾട്ടർ ബേജ് ഹോട്ട്, ഹാരോൾഡ് ലാസ്കി തുടങ്ങിയവരും ഈ സമീപനത്തെ സ്വീകരിച്ചവരാണ്.

4. നിയമപരമായ സമീപനം (Legal Approaches):

• ✸ ഈ സമീപനം രാഷ്ട്രത്തെ നിയമനിർമ്മാണത്തിനും നിയമ നിർവ്വഹണത്തിനുമുള്ള മൗലിക സ്ഥാപനമായി നീതി, നീതിന്യായ സ്ഥാപനങ്ങൾ തുടങ്ങിയ മേഖലകളുമായി ഈ സമീപനം ബന്ധപ്പെട്ടു കിടക്കുന്നു.
• ✸ സിസറോ, ജീൻ ബോഡിൻ, ഡൈസി, ജോൺ ഓസ്റ്റിൻ തുടങ്ങിയ ചിന്തകർ ഈ സമീപനത്തിന്റെ പ്രധാന വക്താക്കളാണ്.
• ✸ വിവിധങ്ങളായ പരമ്പരാഗത സമീപനങ്ങൾ വലിയ വിർശനങ്ങൾക്ക് വിധേയമായിട്ടുണ്ട്. ആദർശനിഷ്ഠമായ മാതൃകകളുടെ രൂപീകരണവുമായി ഈ സമീപനങ്ങൾ അഭേദ്യമായി ബന്ധപ്പെട്ടിരിക്കുന്നു.
• ✸ രാഷ്ട്രീയ പ്രതിഭാസങ്ങളും പ്രകിയയും സ്ഥാപനങ്ങളും “എങ്ങനെയായിരിക്കണം” എന്ന ചോദ്യമാണവർ ഉയർത്തിയത്. “എന്താണ്” എന്ന ഘടകം ഈ ചിന്തകർ പരിഗണിച്ചതേയില്ല. ആധുനിക സമീപനങ്ങൾ രാഷ്ട്രമീമാംസാ
• ✸ നിയമപഠനത്തെ ശാസ്ത്രീയമായി വിശകലനം ചെയ്യുന്നു. പ്രായോഗികതയാണ് ആധുനിക സമീപനങ്ങൾ ഊന്നൽ നൽകുന്ന വസ്തുത.

പരമ്പരാഗത സമീപനങ്ങൾ (Traditional Approaches)

• ► പരമ്പരാഗത സമീപനങ്ങൾ നിരവധി പോരായ്മകൾ നിറഞ്ഞതായിരുന്നു.
• ► ഏറ്റവും പ്രധാനപ്പെട്ട പോരായ്മ അവയ്ക്ക് ശാസ്ത്രീയമായ വിശകലനം നൽകുന്നതിനു കഴിഞ്ഞില്ല എന്നതായിരുന്നു.
• ► ആധുനിക സമീപനങ്ങൾ രാഷ്ട്രമീമാംസാ പഠനത്തെ ശാസ്ത്രീയമായി വിശകലനം ചെയ്യുന്നു.
• ► പ്രായോഗികതയാണ് ആധുനിക സമീപനങ്ങൾ ഊന്നൽ നൽകുന്ന വസ്തുത.
• ► ഇങ്ങനെ പരമ്പാരഗത സമീപനങ്ങളുടെ പോരായ്മകൾ പരിഹരിക്കുക എന്ന ലക്ഷ്യത്തിലൂടെ വിവിധങ്ങളായ ആധുനിക സമീപനങ്ങൾക്ക് രൂപം നൽകപ്പെട്ടത്.
• ► പരമ്പരാഗത സമീപനങ്ങൾക്കെതിരായ ഒരു പ്രതിഷേധം എന്ന നിലയിലാണ് ആധുനിക സമീപനങ്ങൾ ആവിർഭവിക്കുന്നത്.
• ► രാഷ്ട്രമീമാംസയുടെ ശാസ്ത്രീയമായ വിശകലനത്തിനാണ് ആധുനിക വീക്ഷണങ്ങൾ ഏറ്റവും പ്രാമുഖ്യം നൽകുന്നത്.

ആധുനിക സമീപനത്തിന്റെ പ്രത്യേകതകൾ (Characteristics of Modern Approaches)

• ► പ്രായോഗിക പരിജ്ഞാനത്തെ അടിസ്ഥാനപ്പെടുത്തിയ വിവരശേഖരണത്തിൽ നിന്ന് കണ്ടെത്തലുകൾ നടത്തുന്നു.
• ► രാഷ്ട്രീയ ഘടനകളെയും അവയുടെ ചരിത്ര പരമായ വിശകലനത്തെയുമൊക്കെ ഈ സമീപനം തള്ളിക്കളയുന്നു.
• ► മറ്റ് പഠന വിഷയങ്ങളുമായി ബന്ധപ്പെട്ട പഠന രീതിയാണ് അവലംബിക്കുന്നത്.
• ► ശാസ്ത്രീയരീതിയിലുള്ള പഠനത്തിന് ഊന്നൽ നൽകുന്നു.
• ► രാഷ്ട്രമീമാംസയുടെ മേഖലയിൽ ശാസ്ത്രീയമായ ശാസ്ത്രീയമായ കണ്ടുപിടുത്തങ്ങൾ നടത്തുന്നു.
• ► പ്രായോഗികതയാണ് ആധുനിക സമീപനങ്ങൾ ഊന്നൽ നൽകുന്ന വസ്തുത.

പെരുമാറ്റ സിദ്ധാന്തം (Behavioural Approach)

• ► ആധുനിക സമീപനത്തിന്റെ ഏറ്റവും വിപ്ലവകരമായ മാറ്റത്തിന് കാരണമായി ഉയർന്നുവന്ന ആദ്യ സമീപനമായിരുന്നു
  ബിഹേവിയലിസം അഥവാ പെരുമാറ്റ സിദ്ധാന്തം.
• ► രാഷ്ട്രീയ ജീവിതത്തിന്റെ അനുഭവപരമായ വശങ്ങൾ, രീതികൾ, സിദ്ധാന്തങ്ങൾ, തെളിവുകളുടെ മാനദണ്ഡങ്ങൾ എന്നിവ ഉപയോഗിച്ച് വിശദീകരിക്കാൻ ശ്രമിച്ചുകൊണ്ട് രാഷ്ട്രമീമാംസയെക്കുറിച്ചുള്ള ധാരണ മെച്ചപ്പെടുത്താനുള്ള ശ്രമം എന്ന നിലയിലാണ് പെരുമാറ്റ സിദ്ധാന്തം ആവിർഭവിച്ചതെന്നു കരുതപ്പെടുന്നു.
• ► ബിഹേവിയറലിസത്തിന്റെ വരവോടുകൂടി രാഷ്ട്രമീമാംസയുടെ പഠനമേഖലയിൽ പുതിയൊരു ദർശനവും പുതിയ രീതിയിലുള്ള പഠനരീതിയും ആവിഷ്ക്കരിക്കപ്പെട്ടു.

പെരുമാറ്റ സിദ്ധാന്തത്തിന്റെ അടിസ്ഥാന പ്രത്യേകതകൾ

• ► പ്രശസ്ത രാഷ്ട്രമീമാംസകനായ ഡേവിഡ് ഈസ്റ്റൺ (David Easton) ബിഹേവിയറലിസത്തിന്റെ ചില അടിസ്ഥാന പ്രത്യേകതകൾ
  ചൂണ്ടിക്കാട്ടുന്നുണ്ട്.
• ► ബിഹേവിയറലിസത്തിന്റെ ധൈഷണിക ആധാരശിലകളായി (Intellectual Foundations) അവ പരിഗണിക്കപ്പെടുന്നു.

1. നിയത്രകമം (Regularities)

• ► രാഷ്ട്രീയ സ്വഭാവങ്ങളിൽ അഥവാ പെരുമാറ്റങ്ങളിൽ ചില പൊതു രീതികൾ കാണാമെന്ന് ഈസ്റ്റൺ പറയുന്നു.
• ► ഇത്തരം പൊതുസ്വഭാവ രീതികളെ ആധാരമാക്കി രാഷ്ട്രീയ പ്രതിഭാസങ്ങളെ വിശദീകരിക്കുന്ന സിദ്ധാന്തങ്ങൾ രൂപീകരിക്കാം.
• ► ഇവ രാഷ്ട്രീയ പ്രതിഭാസങ്ങൾ മനസ്സിലാക്കുന്നതിനും രാഷ്ട്രീയ പ്രതിഭാസങ്ങളും സാഹചര്യങ്ങളും മുൻകൂട്ടി കാണുന്നതിനും
  സഹായിക്കും.
• ► അങ്ങനെ പ്രവചനപരമായ ഒരു സാദ്ധ്യതയിലൂടെ രാഷ്ട്രമീമാംസയുടെ ശാസ്ത്രീയസ്വഭാവം മനസ്സിലാക്കാവുന്നതാണ്.

2. തെളിയിക്കൽ (Verification)

• ► എല്ലാ രാഷ്ട്രീയ സിദ്ധാന്തങ്ങളും പൊതുതത്വങ്ങളും ശാസ്ത്രീയമായി തെളിയിക്കപ്പെടണം.
• ► പരിശോധനയിലൂടെ  തെളിയിക്കാൻ സാധിക്കാത്ത സിദ്ധാന്തങ്ങൾക്കും പ്രമാണങ്ങൾക്കും ശാസ്ത്രീയത അവകാശപ്പെടാനാവില്ല.

3. സാങ്കേതികരീതികൾ (Techniques)

• ► നിലനിൽക്കുന്ന, വിശ്വസനീയവും താരതമ്യ സാദ്ധ്യതയുള്ളതുമായ വിവരശേഖരണം വളരെ പ്രാധാന്യമർഹിക്കുന്നു.
• ►ഏറ്റവും ഫലപ്രദമായ സങ്കേതങ്ങൾ ഉപയോഗിച്ചു മാത്രമേ അത്തരം വിവരശേഖരണം സാധിക്കുകയുള്ളു.
• ► സ്ഥിതിവിവര സർവ്വേകൾ, ഗണിത ശാസ്ത്ര മാതൃകകൾ തുടങ്ങിയ കുറ്റമറ്റ ശാസ്ത്രീയ രീതികൾ ഗവേഷകൻ ഉപയോഗിക്കേണ്ടതാണ്.

4. അളവുക്രമീകരണം (Quantification)

• ► ശേഖരിക്കപ്പെട്ട വിവരങ്ങളെ കൃത്യമായും ശാസ്ത്രീയമായും പരിമാണത്തിന് വിധേയമാക്കേണ്ടതുണ്ട്.
• ► വ്യക്തമായ വർഗ്ഗീകരണങ്ങളും അളവു ക്രമീകരണങ്ങളും ഇതിന് ആവശ്യമാണ്.

5. മൂല്യങ്ങളുടെ നിരാകരണം (Value-free)

• ► ബിഹേവിയറലിസം മൂല്യങ്ങളിൽ വിശ്വസിക്കുന്നില്ല.
• ► വസ്തുതകളുടെ അപഗ്രഥനമാണ് പ്രാധാന്യമർഹിക്കുന്ന പ്രക്രിയ.
• ► വസ്തുനിഷ്ഠമായ ഗവേഷണത്തിന് ഗവേഷകൻ തീർച്ചയായും മൂല്യങ്ങളെ തിരസ്കരിക്കേണ്ടതുണ്ട്.
• ► ഗവേഷകൻ യാതൊരുവിധ മുൻവിധികളും പക്ഷപാതവും ഗവേഷണത്തിൽ വെച്ചു പുലർത്തരുതെന്നാണ് ഇതിനർത്ഥം.

6. ക്രമബദ്ധനം (Systematzatlon)

• ► രാഷ്ട്രമീമാംസയുടെ ഗവേഷണ പഠനങ്ങൾ ക്രമബദ്ധമായിരിക്കണം.
• ► അതായത് സിദ്ധാന്തവും ഗവേഷണവും തമ്മിൽ കൃത്യമായ ബന്ധമുണ്ടാവണം.
• ► ഗവേഷണം സൈദ്ധാന്തികവും സിദ്ധാന്തത്തിലേക്ക് നയിക്കുന്നതും സിദ്ധാന്തത്തെ തെളിയിക്കുന്നതുമായിരിക്കണം.

7. ശുദ്ധശാസ്ത്രം (Pure Science)

• ► രാഷ്ട്രമീമാംസയെ ഒരു “ശുദ്ധ ശാസ്ത്രമായി അഥവാ പൂർണ്ണമായും ശാസത്രീയതയിലധിഷ്ഠിതമായ പഠന പ്രക്രിയയാണ്
  ബിഹേവിയറലിസ്റ്റുകൾ വീക്ഷിക്കുന്നത്.
• ► രാഷ്ട്രമീമാംസയുടെ പഠനം തെളിവുകളുടെ അടിസ്ഥാനത്തിൽ തെളിയിക്കാൻ കഴിയുന്നതാവണം.

8. ഏകീകരണം (Integration)

• ► ചരിത്രം, സോഷ്യാളജി, സാമ്പത്തികശാസ്ത്രം മുതലായ പഠന വിഷയങ്ങളിൽ നിന്ന് വേറിട്ട് പഠിക്കുന്ന ഒന്നല്ല രാഷ്ട്രമീമാംസ.
• ► രാഷ്ട്രമീമാസാ പഠനം മറ്റു വിഷയങ്ങളുമായി ബന്ധപ്പെടുത്തിയാണ് പഠിക്കേണ്ടത്.
• ► കാരണം രാഷ്ട്രീയ പ്രതിഭാസങ്ങളും സംഭവങ്ങളും സമൂഹത്തിലെ വിവിധങ്ങളായ ഘടകങ്ങളാണ് സൃഷ്ടിക്കുന്നത്.
• ► അതിനാൽ രാഷ്ട്രമീമാംസയെ മറ്റ് വിഷയങ്ങളിൽ നിന്ന് മാറ്റിനിർത്തിയല്ല പഠിക്കേണ്ടത്.

പെരുമാറ്റ സിദ്ധാന്തത്തിന്റെ ഗുണങ്ങൾ

• ► രാഷ്ട്രമീമാംസയെ കൂടുതൽ ശാസ്ത്രീയമാക്കാൻ ശ്രമിച്ചു.
• ► വ്യക്തികളുടെ ദൈനംദിന ജീവിതവുമായി രാഷ്ട്രമീമാംസ കൂടുതൽ അടുത്ത ബന്ധം പുലർത്താനാരംഭിച്ചു.
• ► രാഷ്ട്രമീമാംസയുടെ പഠന മേഖലയിൽ മനുഷ്യന്റെ പെരുമാറ്റം ആദ്യമായി പഠനവിധേയമായി.
• ► രാഷ്ട്രമീമാംസ പഠനം കൂടുതൽ സമകാലിക പ്രസക്തിയുള്ള ഒന്നായി മാറി.
• ► ഭാവി രാഷ്ട്രീയ പ്രതിഭാസങ്ങൾ പ്രവചിക്കുന്നത് രാഷ്ട്രമീമാംസയിൽ സാദ്ധ്യമായി.